MCC bawhchhia hrem ngai awm lo

Lunglei Municipal Council (LMC) inthlan vawiina neih turah Model Code of Conduct (MCC) bawhchhia hrem ngai an awm lo.

Vanglaini palai zawhna chhangin Lunglei district municipal election officer Ramdinliani, district bawrhsap chuan, MCC bawhchhia hrem ngai an awm loh thu a sawi a, "Complaint pakhat chu kan dawng a, kan bawhzui nghal. Mahse, finfiahna engmah a awm loh avangin hma kan la zui ta lo," a ti.

Vawiina inthlan turah harsatna an neih loh thu sawiin Lunglei District Municipal Election Officer chuan, "Har­satna awm loin tluang taka inthlan kalpui theih kan beisei," a ti a, inthlana duty turte chuan March 27 khan an awmna hmun tur an pan vek tawh thu a sawi.