END-in heroin eng emaw zat an man

Excise & Narcotics department (END) mite chuan nimin zing dar 3 khan Thenzawl bul Mualletah heroin gram 396.440 (hawng 30) leh a neitua puh mi pathum - Lalpanliani (48), Zokhawthar, Lalropeka (29), Champhai Kahrawt leh Lalnuntluanga (32) Champhai Dinthar Veng nia inchhálte an man.

END enforcement-te hian nimin vêk chawhnu dar 2:30 khan Bawngkawn Shalom Vengah heroin gram 77 (hawng 5) leh a neitua puh Ninkhansing (33), Munlai, Tahan, Myanmar, tuna Bawngkawn Shalom Venga khawsa mek nia inchhál an man bawk.

END mite hian March 26, 2023 chawhnu dar 2:10 khan Zarkawt leh Ṭhuampuiah heroin gram 353 (hawng 27) leh a neitua puh mi pahnih - Thangngaihlian (45), Khawmawi, Myanmar leh Khenchung (49), Suanzang, Myanmar nia inchhalte chu an man a; zan dar 6:10-ah Tuikual South-ah heroin gram 16 leh a neitua puh Sangsawmlala (30), Champhai Bethel Veng, tuna Tuikual South-a khawsa mek nia inchhal an man leh a ni.

March 24, 2023 khan Lalneihmawii (45), North Khawbung leh Rosiamliani (43), Serchhip P&E Veng hnen aṭangin Serchhip P&E Vengah heroin gram 33.530 an man a; March 25 zan dar 10:30 khan Mualvawm, Serchhip district-ah Lalnunmawia (22), Serchhip Darnam Veng leh Hmingthianghlimi (26), Khuangthing hnen aṭangin heroin gram 37.830 an man bawk.

Heroin vanga mante lakah hian The Narcotics Drugs & Psychotropic Substances Act, 1985 tlawhchhanin thubuai ziah luh a ni.