MP Rosanga leh Amit Shah inkâwm

Lok Sabha MP C Lalrosanga chuan nimin khan Union Home minister Amit Shah chu a pisaah a hmu a; Amit Shah hian Aizawl aṭangin Zokhawsangah Assam Rifles an insawn vek tur thu a lo hrilh niin sorkar thuchhuahin a tarlang.

Home minister Amit Shah-a'n Aizawl khawpui lailia awm Assam Rifles-te Zokhawsangah an insawn vek tur thu sorkar thuchhuahin a tarlan rualin, an insawn vek hun tur a sawi thu erawh tarlan a ni lo. C Lalrosanga'n AR-te chu hun bituk chhunga insawn vek tura an duh thu a sawi chungchangah Amit Shah chuan, "An insawn ngei ang," tia a chhàn thu tarlan a ni.

C Lalrosanga chuan, AR an insawn chhuah dawn avangin Amit Shah chu a lawmthu a hrilh a; amah leh sorkar laipui hotu dangte pawh vawi engmawzat a lo nawr tawh thu te, chief minister Zoramthanga pawh a lawm hle thute a sawi.