Mirethei zawkte ngaihtuah chunga ruahmanna siam turin Dy. CM-in chah

Khawzawl Town Planning & Develop-ment Committee chu an chiarman Tawnluia, deputy chief minister kaihhruaiin nimin khan Khawzawl DC conference hall-ah an ṭhu a, Tawnluia chuan mirethei zawkte ngaihtuah tel chunga ruahmanna siam turin kalkhawmte a chah.

Ṭhukhawm chuan Khawzawl planning boundary sq. km 45 ni tura Town & Country Planning Office (TCPO) in ruahmanna a lo siam chu zirchian leh, master plan siam tura Khawzawl mipui dinhmun zirchianna kawngah VC-te nen ṭangho surveyor thlan an rêl.

He hunah hian sorkar hotute, Khawzawl VC, YMA leh MJA aiawhte bakah, Khawzawl prominent citizen-te an tel a ni.