Plastic chungchang inzirtir

Mizoram Pollution Control Board (MPCB) chuan March 28, Thawhlehni khan Mizorama plastic kaihhnawih thil siam chhuaktu te, Mizoram Merchant Association leh sumdáwng páwlte tan plastic chungchang zirhona an buatsaih a, MPCB member secretary C Lalduhawma'n a hmanpui.

Zirhona hi scientist-C Dr Lalramnghaki Pachuau-in a kaihruai a; C Lalduhawma chuan, plastic lam chite chu a nih dan tur dik taka hman leh thehthang a nih chuan buaipui chiam ngai lo tur a nih thu leh, hman khat daih sarâng (single use plastic) chungchanga sorkar hmalaknate zawm ṭhat a pawimawh thu a sawi. He hunah hian MPCB executive engineer PC Lalmuanpuii leh scientist-B Dr Alfred Malsawmsanga ten thil pawimawhte an zirtir a ni.