Capping & Lamp Lighting hmang

Kolasib district-a School of Nursing, Thingdawl chuan, nimin khan an auditorium-ah Capping & Lamp Lighting vawi lina an hmang a, Mizoram Nursing Council registrar Lalduhsaki'n a hmanpui.

Capping & Lamp Lighting inkhawmah hian School of Nursing, Thingdawla zirlai batch 5-na leh 6-na zirlai 40-te'n bati chhiin thutiam an sawi a, nurse lukhum khumtir an ni. Thingdawl Nursing School-ah hian batch tinah zirlai 20 zel an awm a, zirlai 61 an awm mek a ni.

MNC registrar Lalduhsaki chuan, nurse hna chu mihringpuite tana rawngbawl tura inpekna thûk tak nena thawh ngai a nih avangin tlàwmna nun neih a pawimawh thu a sawi a, "Ṭanpui ngai, damlote tana beiseina petu an nih avangin khawvela hna pawimawh berte zinga mi a ni," a ti.