LMC inthlana party hruaitute ngaihdan

Lunglei Municipal Council (LMC) inthlan, March 29, Nilainia neih zawh tâk chungchangah Vanglaini chuan political party hrang hrang hotute an dinhmun tura an ngaihdan a zawt kual a, an ngaihdante an sawi.

Mizoram Pradesh Congress Committee president Lalsawta chuan, party pathum - Congress, MNF leh ZPM-te chu sorkar siam thei dinhmuna an din vek thu a sawi a, "Chutih rualin, sorkar lo thei vek pawh kan ni tho. Hniam taka awm thei vek kan ni. Kan party erawh chuan hma kan sawn," a ti.

MNF vice president Lalthlengliana chuan, beisei dan thiam har a tih thu a sawi a, "Kan inbe kual nasa a, a cháng chuan kan inhmu ṭha a, a cháng chuan eng nge maw kan an dawn ni, kan ti leh ṭhin," a ti a; MNF party dinhmun tur a sawi thiam loh thu a sawi a ni.

ZPM leader Lal-duhoma chuan, sorkar siam theih ngei an inbeisei thu sawiin, "Duh aiin vote tla erawh a tlem. 80% chu tla tling se chuan huai takin, 'Kan sorkar ang,' a tih ngamin a rinawm," a ti a; kohhran work camp nei, YMA conference leh thihna avangin an beisei angin vote a tlak ṭhat loh thu a sawi.