MPYCC-in MNF sorkar hnuaiah engmah loa a chan an hlauthawng

Mizoram Pradesh Youth Congress Com-mittee (MPYCC) chuan thuchhuah siamin, Mizo-rama project lian tak tak, sum tam tak hmanna tur lungphùm phùm turte chu MNF sorkar hnuaiah engmah loah a chan leh mai an hlauhthawn thu an tarlang.

MPYCC chuan, Home minister Amit Shah-a’n cheng vbc. 315.05 bakah, vbc. 2,098.97 hû project lungphûm April 1, 2023-a Aizawla a phûm tur chu lawmawm an tih thu an tarlang a, "Amaherawhchu, Mizorama project lian tham - Referal Hospital, Tuirial Hydel Project leh a dangte tiṭhuanawp tawhtu MNF sorkar hian heng hmasawnna sum tam tham takte hi sum ngainatna avangin engmah loah an chan leh mai ang tih kan hlauthawng hle," an ti.

Project lian tak tak thawh turte chu a theih ang angin an en zui dawn tih sawiin MPYCC chuan, project-te chu Zoramthanga kaihhruai sorkar hmalakna ni loin, sorkar laipui tih vek a nih thu an tarlang.

Congress ṭhalaite chuan, 71st BN Mullick Memorial All India Police Football Championship 2023-ah Mizoram Police an champion chu an lawmpui thu leh an chhuan thu an tarlang bawk.