Grape chingtute hmanrua pe

District Horticulture Officer, Champhai buatsaihin nimin khan FOCUS 2021-2022 (2nd Installment) hnuaia Area Expansion of Grape Cultivation' atana hmalakna kal zelah hemi hnuaia grape chingtute thlai enkawlna hmanrua pek an ni a, DC James Lalrinchhana'n a hman pui.

Champhai DC chuan Champhaia grape chingtuten an thlaite enkawlna tur leh tharchhuah tam theih nana hmanraw chi hrang hrang an dawng chu lawmawm a tih thu sawiin, grape chingtute chu thlai chinna tur lei tih ṭhat hmasak ngai pawimawh turin a chah.

Thiamna leh finna chu suma lei theih a nih loh thu sawiin James Lalrinchhana chuan, "Thlai chinte leh ran inkara buaina awm ṭhin hi a pawi. Hetiang thil a thlen chhunzawm zel lohna atan a ṭul anga hmalak tum a ni," a ti.

Champhai DC chuan grape hmanga thil siam chhuahte chu Champhai district hmasawnna pawimawh tak a nih thu sawiin, hmalam pan zel tur leh taima taka thawk zel turin grape chingtute a chah.

He hunah hian grape chingtu 74 te hnenah thirzái, plastic crate, sprayer, vitamin leh rannung thahna hlote sem chhuah a ni.