Iron rod leh steel zuarte zawm tur thupek tichhuak

Legal Metrology department chuan nimin khan iron rod leh steel zuarte zawm tur thupek an tichhuak. Thupek hi hman ṭan nghal a nih thu leh bawhchhiate chu BIS Act, 2016 leh CrPC Act, 1973 hnuaiah hrem theih an nih thu an tarlang.

Tualchhungah a nihna tur ang bituk tling pha lo, bùk zâng leh tê a tam tih hmuhchhuah a nih thu tarlangin Legal Metrology chuan, "Customer-te hian iron bar a len zawnga tling lo an lei fo a, hei hian concrete structure chakna a tichhe thei. Iron rod-te hi a bùk tling ṭha anga chhálin a malin zawrh a ni fo tih hriat a ni," an ti.