Vote chhiar dan tur inhrilhfiah

Lunglei Municipal Council (LMC) General Election 2023-a vote chhiar tur counting super­visor mi 30, coun­ting assistant mi 60 leh additional coun­ting assistant mi 30-te chu nimin khan Conven­tion Centre-ah thil pawimawhte hrilhfiah an ni a; Lunglei muni­cipal election officer Ramdinliani'n a hmanpui.

LMC inthlana vote tlate hi April 3, Thawh­ṭanniah chawhma dar 10 aṭangin Saikuti Hall-ah chhiar a ni dawn a, counting hall pahnih siam niin, dawhkan 12 ve ve dah a ni. Counting hall I-ah ward no. I-V chhiar a ni dawn a, counting hall II-ah ward no. VI-XI chhiar a ni ang. Postal ballot chhiar hmasak a ni ang a, chumi hnuah EVM chhiar leh tur a ni.