2022-23 chhunga Kolasib dist-a nau piang 1,096 zinga 22 an thi

Sorkar kum liam ta, April 2022 leh March 2023 chhungin Kolasib district-ah nau piang 1,096 an awm a, chu'ng zinga 22 chu an thi. Nau piang thi zinga 50% chu Kolasib District Hospital-a thi an ni a, thi zinga 72.7% chu thla khat hnuai lam an ni.

Nimin khan Kolasib Chief Medical Officer pisaah Kolasib District Maternal & Child Death review meeting neih a ni a, April 2022 leh March 2023 inkara nausèn thi leh nu nau chunga thihna thleng chungchang sawiho a ni. Ei tur hrisel ngaih pawimawh te, damdawi ṭha leh tui thianghlim te, faina leh thianghlimna ngaih leh out patient department (OPD) ngaih hlut zual a pawimawh thute an sawi.

Ṭhutkhawma tarlan danin, Kolasib district-ah April 2022 leh March 2023 chhungin nau piang 1,096 an awm a, chu'ng zinga 22 chu an thi. Infant mortality rate (IMR) chu 20.5 (nau piang 1,000 zelah 20.5 an thi) a ni.