Vety doctor-te'n inkhawmpui an hmang

Mizoram Veterinary Service Association (MVSA) chuan nimin khan Selesiha Vety Rest House-ah General Conference vawi 39-na an hmang a, Animal Husbandry & Veterinary minister Lalrinawma'n a hmanpui. MVSA conference hi AH&Vety director Dr Lalrinpuii Sailo-in a kaihruai a, an pawlah members 85 an awm mek.

Lalrinawma chuan, ram leh hnam hmasawnna tura an thawhrimnaah AH&Vety department thawktute a fak a, "Hmasawnna tur atan mahni hna ṭheuh rinthlak leh belhchian dâwla thawh a pawimawh," tiin, mi dang tan malsawmna ni zel turin a chah.

Minister chuan, AH&Vety department-in 'The Mizoram Licencing and Regulation of Private Veterinary Hospital & Clinic Rules' a pawm thu te, department hmalakna kawngah thuràwn leh rawtnate hrilh zel tur leh hna hrang hrangah theitawp chhuaha thawhpui zel turin thawktute a sáwm bawk.