Minister-in Sakawrhmuituai tlanga Tourist cafeteria sakna tur enfiah

Tourism minister Robert Romawia Royte chuan April 1, Inrinni khan Sakawrhmuituai tlanga tourist cafeteria sakna hmun tur a enfiah a; a bial chhung Chhinga Venga Bethany Road-a hmun pahniha lei dawh mek a tlawh bawk.

Sakawrhmuituai tlanga tourist cafeteria sakna tur hmun enfiahnaah hian Sihphir VC leh Lungdai VC-te an tel a; Sihphir leh Lungdai inrìna bul kawngpui hrúlah sak ni se, an ti. Robert Romawia chuan, cafetaria sak hna ṭan nghal ni se a duh thu a sawi.

Minister hian a bial Aizawl East-II chhunga Chhinga Veng Bethany Road-a hmun pahniha lei dawh mek a tlawh bawk a; Chhinga Veng Bethany area chu kawngpuiin a pawh ve theih nan theihtawpin ṭan a lak thu a sawi. Lei pahnihte chu Mizoram PWD-in Ministry of Tribal Affairs aṭanga hmuh cheng nuai 140 leh Finance Ministry sum cheng nuai 50, a vaiin nuai 190 hmangin an dawh mek a ni.