Sahuanah sakei pahnih dah belh

Aizawl Zoological Park-ah March 31, 2023 khan sakei pahnih dah thar a ni a, a hmaa awm sa nen Aizawl Sahuanah sakei pathum a awm mek.

Sorkar thuchhuah tarlan danin, Aizawl Sahuana sakei dah thar pahnih chu Royal Bengal Tiger, a nu leh a pa a ni a, a pa chu a hming Kundan tin niin, a nu chu Adyasha tih a ni thung a, inthlah pung thei tura beisei a ni. Hun eng emaw chen dah hran rih a ni dawn a, mipui en theih tura dah chhuah thuai tum ni mahse a hun tur sawi lâwk theih a ni rih lo.

Aizawl Sahuana dah thar sakei pa­hnih la tur hian Aizawl Zoological Park range officer Immanuela leh Vety officer Dr Rosang­zuali Chhakchhuak te kaih­hruaiin mi parukin March 24, 2023 khan Bhubaneswar an thleng a, March 27, 2023 khan Nandankanan Zoological Park aṭanga la chhuakin, March 31, 2023 khan Aizawl Zoological Park an phur thleng a ni.