PHE tui man tihpun a ni

Mizoram sorkar chuan Mizoram pumah PHE depart­ment tui man (bill) a tisang a, April 2023 aṭanga hman tur a ni.

Sorkar thu­chhuah tarlan danin, tui bill hi chhungkua/mimal (domestic)-ah litre 5,000 aia tam loah Rs 220 a ni dawn a, sumdawnna hmun/thil (commercial)-ah litre 10,000 aia tam loah Rs 900 a ni ang. Commercial connection-ah hian tui litre 10,000 chung lamah chuan Rs 900 bakah, tui kilo litre khat (litre 1,000)-ah Rs 160 belh zel tur a ni.

Tui meter a chhiat emaw, a rintlak loh laiin thla khatah sorkar leh connection pangngaiah Rs 500 emaw, thla thum bill chawhrual (average) emawa a tam zawk zawk pek tur a ni. Sumdawng (commercial)-ah thla khatah Rs 1,000 emaw, thla thum bill chawhrual (average) emawa a tam zawk zawk pek tur a ni thung.