Nau piang sorkara ziah luh dan sawiho

Aizawl District Coordination Com-mittee (DLCC) on Civil Registration System chu nimin khan bawrhsap Dr Lal-hriatzuali Ralte kaihhruaiin a pisaah an ṭhu a; nau piang hlim sorkara chhinchhiah chungchang thilte an sawiho.

Ṭhutkhawmah hian, nau piang hlim ziah luhna (birth record)-ah hming nei loa ziah luh (nameless entry) a awm belh tawh loh nana hmalak an rêl a; Registration of Births & Deaths Act leh Rules-in nau hming nei loa register a phal avangin nameless record a tam ṭhin thu an tarlang. Hming awm loa ziah luh chu damdawi-in aṭangin a nih deuh ber avangin, damdawi-in lamin birth report form-ah nu leh pate phone number ziak zel tura beisei a nih thu tarlan a ni.

Electoral roll-a thun diltute pian ni finfiahna atan digitised birth certificate chauh pawm tura rawtna te, HSLC examination form fill-up laia diltute pian ni finfiahna atan birth certificate hmang tura nasa lehzuala kalpui chungchang te, Births & Deaths event 100% register tura ṭan lak leh, Aizawl district DLCC member atan AMC additional district registrar telh tura rawtnate sawiho a ni bawk.