Poshan Pakhwada 2023 khâr a ni

Sorkar laipuia Ministry of Women & Child Deve-lopment ruahmanna angin nimin khan India ram hmun hrang hrangah Poshan Pakhwada (Nutrition Fortnight), 2023 khârna hun hman a ni a, Mizoramah pawh hman a ni.

Aizawlah chuan MRB Head Office conference hall-ah Poshan Pakhwada khârna inkhawm neih a ni a; Social Welfare & Tribal Affairs Development minister Lalrinawma'n hmanpuiin, Anganwadi Training Centre buatsaih Millet Based Food e-Book a tlangzarh.

Lalrinawm chuan, ei tur ṭha awm danin mihring leh ramsa awm zat (population) a nghawng thu sawiin, "Tun kum hi International Year of Millets-a puan a nih angin millets (buhtun) chu chaw ṭha a ni tih hre thar a, zunthlum veite tan pawh glycemic index hniam a nih avangin mi tin tana ei him a ni," a ti.

Serchhipah pawh additional DC Lalmuansanga Ralte kaihhruaiin DC meeting hall-ah Poshan Pakhwada khârna inkhawm hman a ni a, SWTA department-a thawktute leh anganwadi centre hrang hranga thawkte an tel.

Poshan Pakhwada hi sorkar laipui ruahmanna angin March 20 aṭanga nimin thleng khan hman a ni a; thupui pathum - Promotion and Popularization of Shree Anna/Millets for nutritional well being, Celebration of Swasth Balak Spradha (Healthy child) leh Popularizing Shaksham Anganwadis tihte a awm.