State pawna ruihhlo lâk tum an tlem tawh

Vairengtea Excise & Narcotics department (END) duty-te chuan Vanglaini palai zawhna chhangin, tunlai hian Assam lama ruihhlo lâk tuma kal an tlem tawh thu an sawi.

END-te sawi danin, inkhàrkhip puan a nih hnuah Assam lama ruihhlo zawng tura kal tum tam tak an awm ṭhin a, chu'ng mite vèn hna hi END leh task force-te'n an thawk ṭhin. Ruihhlo zawnga Assam-a kal tum leh ruihhlo an lâk hnua Mizorama luh tum an mante chu Vairengtea Golgotha home-ah dah ṭhin an ni.

Vairengtea END duty-te chuan, tun hnai deuh khan Golgotha aṭangin mi ṭhenkhat an tlan chhuak tih an sawi a, "Chu'ng mite chu man khawmin kan dah lut leh. Anni bak hi ruihhlo ngai han buaipui tur tun hnaiah chuan an awm lêm lo," an ti.