Eirawngbawlna gas man a pung
Indian Oil Corporation-in eirawngbawlna gas (LPG) man a bithliah thar avangin Food, Civil Supplies and Consumer Affairs department chuan Mizorama hman tur gas man a bithliah thar a, domestic cylinder man Rs 50-in a pung.
Gas man thar hi April 1, 2023-ah hman ṭan a ni a; domestic gas búr kg. 14.2 chu Vairengteah Rs 1,246 man niin, Mizoram hmun dang zawngah Rs 1,255 a ni. Commercial cylinder (kg. 19) chu Vairengteah búr khat Rs 2,462.50 a ni a, hmun dang zawngah Rs 2,478.50 a ni.
Xtra TeJ búr (kg. 19) chu Vairengteah búr khat Rs 2,485 niin, hmun dang zawngah Rs 2,500 a ni a; composite búr (kg. 10) chu Vairengteah Rs 889.50 niin, hmun dang zawngah Rs 899.50 a ni.
LPG man hi FCSCA department-in November 1, 2022-a hriattirna a chhuah angin, Aizawl Municipal Corporation huam chhung leh district khawpuiahte chuan 'home delivery’ kalpui tawh tur a nih avangin a man tarlan aṭangin Rs 70 aia tam lo belh zel a ngai a, showroom/kudam aṭanga lak a nih erawh chuan Rs 29.26 paih tur a nih thu sorkar thuchhuahin a tarlang.