KHAWTHLIR

Inkhârkhip thawh lina, May 18-31, 2020 chhung kalpui turah Lunglei, Champhai, Kolasib, Serchhip, Lawngtlai leh Khawzawl district bawrhsapte chuan an district chhunga mipui chu Mizoram sorkarin inkhàrkhip kalpui zel dan tura inkaihhruaina hrang hrang a siamte zâwm ṭheuh turin an chah a; dan zâwm lote chu hrem theih an nih thu an puang.

Serchhip Bethel Branch KṬP chuan nimin khan Serchhip District Hospital Blood Bank-ah thisen unit 42 an pe a, a petute mipa 29 leh hmeichhia 13 an ni.

aṭangin May 14, 2020 khan Kolkata Mizoram House chan loh vanga a bul hnai guest house-a thleng mi pariatte chaw ei man Rs. 78,000 chu Kolkata Mizoram House Joint Resident Commissioner kaltlangin pek a nih thu Mizoram sorkar thuchhuah chuan a tarlang. Khawpui hrang hranga Mizoram House-a tangkhang mi 113-te ei leh in man Rs. 7,69,565 chu April 27, 2020 khan Mizoram sorkarin a peksak tawh a; phai lama tangkhangte chaw ei man atana CM Relief Fund 

aṭanga sum pek tawh chu Rs. 8,47,565 a ni.

Nimin, May 19 kha chief minister hlui Lal Thanhawla pian champha, a kum 82 tlinna a ni a; chief minister Zoramthanga chuan Twitter leh Instagram kaltlangin lawmpuina a hlân. Zoramthanga chuan, "I pian champha phak vawi 82-na lo thleng hi ka lawmpui tak zet che a. I thiamna leh finnate ṭangkai taka kan ramin a chhawr chhunzawm zel theih nan Pathianin hriselna ṭha tak nen thuam chak zel che rawh se," tiin duhsakna a hlân a ni.

Esther Lalramchhani (32) d/o Lalzamliana, Vaivakawn chu nimin tlai dar 3:30 vel khan Lawipu thlanga Khawhpawpah tui lian thutin a la a, tuiin a lâkna aṭanga km. 2 vela hláah a ruang hmuh a ni. Amah hi Oxford Higher Secondary School-a zirtirtu a ni.