NIT-Mizoram campus atan cheng vbc. 669.75 ruahman

Sorkar laipuia Education minister of state Dr Subhas Sarkar chuan nimin khan Rajya Sabha MP K Vanlalvena zawhna ziakin a chháng a, National Institute of Technology, Mizoram hmun nghet (permanent campus) dinna atan sorkar laipuiin cheng vbc. 669.75 a ruahman (sanction) tawh thu a tarlang.

Sum ruahmante chu pek chhuah vek a nih tawh leh tawh loh zawhna chhangin Dr Subhas Sarkar chuan, NIT-Mizoram hmun turah Mizoram sorkarin forest clearance a la chinfel loh avangin sum ruahmante chu NIT-Mizoram hnenah pek chhuah vek theih a nih rih loh thu a tarlang a; state sorkar leh sorkar laipuiin forest clearance an buaipui mek thu a tarlang bawk.