North Vanlaiphaiah JAC-in sorkar pisa kái tur dan tum

Mizoram sorkarin North Vanlaiphai aṭanga Block Agriculture Office a sawn chhuah duh lohna kal zelah April 10-15, 2023 chhung sorkar pisa kái turte dan an tum.

N Vanlaiphai Joint Action Committee chu April 3, 2023 zan khan an ṭhukhawm a, sorkar laka lungawi lohna lantir dan tur leh sorkar kar dan tur an ngaihtuah. An thil phût sorkarin tun thlenga engahmah a ngai lo chu pawi an tih thu an tarlang a, hmalak chhunzawm dan tur an ruahman a ni.

N Vanlaiphai JAC ruahman dan chuan, April 10-15 chhungin sorkar pisa kái turte dan a ni ang a, zirna-inte pawh khâr vek tum a ni.
North Vanlaiphai khawtlang hian an thil phût tihlawhtling tura sorkar kar nan March 28, 2023 khan an khuaah total bandh an huaihawt a, a hmain kawngzawh an huaihawt tawh bawk.