Sangha khawi ṭanpui dilna 146 pawm

Champhai District Committee on Prandhan Mantri Matsya Sampada Yojana (PMMSY) chu nimin khan an chairman James Lalrinchhana, bawrhsap hoin DC conference hall-ah an ṭhu a; PMMSY hnuaia sangha khawi ṭanpui dilna 146 an pawm.

Ṭhutkhawmah hian PMMSY hnuaia sangha khawi kaihhnawih - dil siam, sangha note khawi leh, buh emaw, ran emaw leh sangha enkawl kawp ṭanpui dilna 306 zinga 146 an pawm a; sangha khawi tihhmasawnna tura ruahmanna leh PMMSY kaltlanga hmalakna tur Champhai District Fisheries Annual Action Plan for Financial Year 2023-24 an pawm bawk.

Champhai District Fisheries Annual Action Plan 2023-24 hnuaiah hian hmalakna tur component pasarih duan a ni a, sum mamawh zat chu nuai 364.40 a ni.

Fisheries department tarlan danin, kum 2021-22 chhung khan Champhai district-a sangha khawitu chhungkaw 1,380-in ram hectare 456.35-a zauah sangha dil an siam a, sangha metric ton 369.64 an thar a ni.