Minister-in YMA jubilee a hmanpui

YMA, Chhiahtlang Hmarveng Branch chuan April 4, Thawhlehni khan Chhiahtlanga Zokhuaah an kum 25-na, silver jubilee an lawm a, bialtu MLA Lalrinawma, minister-in hmanpuiin, jubilee lungphun leh souvenir a tlangzarh.

Jubilee lawmna inkhawm hi YMA vice president Hmangaihchhunga'n a kaihruai a; minister Lalrinawma chuan, jubilee chu inremna leh hmasawnna thlentu ni se a duh thu sawiin, "YMA member-te hi Zo nun ze mawi, tlawmngaihna, aia upa zahna leh faina kawngah mi dangte tihhmuhtu ni zel ang u," a ti.

Lalrinawma chuan, "YMA hi a din chhan ang ngeiin Kristian nun dan ṭha ngaisangtu, lusún khawhar hnêmtu, mi chhumchhia leh ṭanpui ngaite ṭanpuitu ni zel rawh se" a ti a; YMA-in a ngaih pawimawh ṭhin - ram leh hnam humhalh te, ruihhlo do te, zirna uarte chu sorkar pawhin a ngai pawimawh a, nasa takin hma a lak reng thu a sawi.

YMA, Chhiahtlang Hmarveng Branch hi Lamchhip YMA aṭangin kum 1998-ah an indang a, member 209 awm mekin, mipa 180 leh hmeichhia 129 an ni. Silver jubilee lawmnaah hian hruaitu ni tawhte ngaihhruina an hlân a, intihhlimna an hman bakah, jubillee ruai an ṭheh a ni.