HFW Minister-in Saitual damdawi-in a tlawh

Health & Family Welfare minister Dr R Lalthangliana chuan April 4, Thawhlehni zan khan Saitual Hospital a tlawh a, chief medical officer pisa sak mek a enfiah bakah, damdawi-ina thawkte nen an inkâwm.

Sorkar thuchhuah tarlan danin, Saitual CMO pisa tur sak mek chu World Bank aṭanga sum hmuh hmanga sak a ni a; Health Minister chuan, district thar pathum - Saitual, Khawzawl leh Hnahthialahte cheng nuai 1,700 ṭheuh séngin district hospital sak tur a nih thu sawiin, Saitualah pawh bul ṭan thuai a beisei thu a sawi.

Saitual damdawi-ina thawkte'n physiotherapy, endoscopy leh ECG khawl thar an mamawh thu an thlente chu corporate social responsibility sum dil hmuh a nih hunah ngaihtuahsak a nih tur thuin a chháng. An mamawhte chu HFW Principal Director hnenah thlen turin a chah bawk.

HFW Minister hi HFW principal director Dr PC Lalramliana leh Health Services director Dr Vanlalsawma ten an ṭawiawm a, Saitual Hospital medical officer Dr Lalmalsawma leh Dr V Lalhmachhuana bakah, thawktu dangte'n an lo dawngsawng a ni.