Minister-in kawng siam mek a enfiah

Minister of state Robert Romawia Royte chuan April 4, Thawhlehni khan a bial Aizawl East-II chhunga Tuithiang Veng mawng lama lirthei kalna tur kawng siam mek a tlawh a, hnathawh dan enfiahin, hmalak zel dan tur PWD engineer-te leh Tuithiang Veng khawtlang hruaitute nen an sawiho.

April 4 vêk khan Robert Romawia hian a bial chhung Dawrpui tlâk lama Civil Hospital, Aizawl thlî vanga harsatna awmte Dawrpui West Welfare Committee-te nen an enho a; Civil Hospital thli kawngpuia luang thla ṭhin chu mipui hriselna atan a pawi thei a ni tih a hriatpui thu sawiin, harsatna sutkian a nih theih nan Health department-te nen ṭanghoin, SASCI project aṭanga hmalak a tum thu a sawi a ni.