Kohhran hmunhmáte enfiah

Lunglei khaw chhunga kohhran 16-in an kohhran hall-te quarantine facility atan hman an remtih avangin, chu'ng kohhrante hmunhma chu nimin khan Lunglei District Task Force on Covid-19 hotute'n an tlawh kual a, kohhran hruaitute leh task force hruaitute nen ruahmanna an siam.

Lunglei district-ah hian quarantine facility 19 a awm mek a, an district mi leh sa Mizoram páwna tangkhang haw duh hming pe tawh zat chu mi 960 niin, mipa 496 leh hmeichhia 464 an ni. Hetih lai hian, haw tur zat a danglam deuh reng avangin district thuneitute chuan a ṭul angin khung hranna tur hmun an ngaihtuah zel dawn tih an sawi.