Quarantine centre tlawh kual

Covid-19 Medical Ope­rational Team leh Quarantine Management Unit, Health and Family Welfare hotute chuan nimin khan Medical Operational Team chairman Dr ZR Thiamsanga, MLA hoin Aizawla quarantine centre ṭhenkhat - Synod Revival Camping Centre, ICFAI University leh SAI Hostel (Mission Vengthlang)-te an tlawh.

Team-te hian quarantine facility-a awm theih leh theih loh te, Ministry of Home Affairs (MHA) duh dan anga thil kalpui theih a nih leh nih loh te, darkar 24 chhung electric êng a awm ṭhat leh ṭhat loh te, tui hnianghnar dan te, khum ft. 3 danah a awm theih leh theih loh te, khung hrante tan a him leh him loh te, ei leh in pek dan te, swab sample lak dan ṭha taka tih theih a nih leh nih lohte an enfiah a ni.