Kohhrante'n Good Friday an hmang

Nimin kha mihringte chhandam tura kraws-a Isua Krista khenbeh ní, Good Friday a ni a, kohhran hrang hrangin urhsûn takin an hmang.

Good Friday-ah hian Roman Catholic koh­hrante chuan an tih ṭhin dan pangngaiin khawlaiah Kraws Kawng­zawh an buatsaih a, biak-inah lutin, inkhawm urhsûn leh cross chawimawina hun an hmang zui a ni. Ningani zan khan vènpui zan an hmang a, ke sil rawngbawlna leh sacra­ment an buatsaih.

Presbyterian koh­hrante leh Baptist koh­­hrante chuan chawhma, chawhnu leh zanah­te inkhawm an nei a, Mizoram Synod leh BCM Headquar­ters aṭanga thupui siam sa hmangin Pathian thuchah an ngaithla. Kohhran páwl dangte pawhin Good Friday hi urhsûn takin an hmang bawk. Ningani zan, vènpui zan khan tualchhung kohhran hrang hrangah Lalpa Zanriah Sakramen ṭheh a ni.