Heroin leh ganja man

Mizoram Police CID (Special Branch) team chuan nimin zing khawvar hma khan Hunthar Vengah taxi pakhat aṭangin ganja kg. 5.298-a rit an man.

Taxi khalhtu Johny Lalrohlua (23) s/o Lalrosanga (L), Damparengpui, Mamit district, tuna Chawlh-hmun, Aizawla khawsa mek nia inchhál pawh manin, a lakah Vaivakawn Police Station-ah thubuai ziah luh a ni.

CID (SB)-te hian BSF nen ṭanghoin April 6, Ningani khan Falkland Vengah heroin gram 104 (hawng 8) an man bawk a, a neitu nia hriat Paumuansanga (22) s/o Ginzapauva, Hnahlan, Champhai district (Ramhlun Sports Complex-a khawsa mek) leh Lalnunzira (44) s/o Thansiama (L), Mission Veng nia inchhálte an man bawk. NDPS Act 21(b)/29(1)/25 tlawhchhanin Special Narcotics PS-ah thubuai ziah luh a ni.