SEDP sem dan tur sawiho

Planning Board vice chairman H Rammawi hoin April 6, Ningani khan Aijal Club-ah sorkar hotute'n SEDP hnuaia ṭanpuina sum sem thawh hnihna (phase II) kalpui dan tur sawiho a ni.

SEDP thawh hnihnaah hian chhungkaw 60,000 hnenah ṭanpuina pek a nih dawn thu te, chak taka hmalak mek a nih thu te, Mizoram State e-Governance Society nen ṭangrualin online-a kalpui tum a nih thute tarlan a ni.

Ṭhutkhawmnaah hian Planning & Programme Implementation secretary Lalmalsawma Pachuau leh Planning principal adviser Dr Lalrinchhana bakah, SEDP kalpuitu sorkar department hotute leh district tina bawrhsapte an tel.