MPYCC-in sawhthing thartute lawmpui

Congress party ṭhalai, Mizoram Pradesh Youth Congress Committee (MPYCC) chuan thuchhuah siamin, Hliap-pui khuaa sawhthing thartute'n cheng nuai 147 vel man an hralh tawh chu an lawmpui thu an tarlang.

MPYCC chuan, Hliappui Spices Producer Company hmalakna ropui an tih thu sawiin, "Congress party manifesto number one hi Mizorama kut hnathawktute khai chhuahna kalkawng a ni tih Hlliapui khuain a takin an rawn tilang hi a lawmawmin a ropui kan ti. Thlai tharte hi Congress manifesto-ah a dahṭhatna, sâwngbàwlna leh hralh dan kalphung mumal leh rintlak kan siam dawn tih a ni," an ti.

Congress ṭhalaite chuan, Agriculture policy an kalpui dawn nia sawiin, "Tun aia kan kut hnathawktute'n thlai an thar tam theih nana anmahni himna dah pawimawh ber chunga contract farming mumal tak kalpui turin ruahmanna kan nei," an ti a; a man (rate) bituk aiin, mumal taka society kaltlanga thlai thar sâwngbàwl leh hralh chu kut hnathawktute tan a hlâwk zawk a, a tlo zawk niin an tarlang.