Minister-in ramri véngtute a tlawh

Minister of state TJ Lalnuntluanga chuan nimin khan Tlangsam rama Ṭiau lui kài hmun hrang hrang - Bulfek kai, Fuanchhuah leh Zimpui kaia task force duty-te a tlawh a; YMA Sub-Hqrs, Champhai hruaitute'n an ṭawiawm.

Ramri vengtute hnenah hian TJ Lalnuntluanga hian Mizoram sorkar aiawhin lawmthu a sawi a; thosi lèn leh a chiahna hlo a pe hlawm. Minister hian vawiinah ramria duty-te a tlawh leh ang.

TJ Lalnuntluanga hian nimin vek khan a bial Champhai South chhunga HSLC exam result chhuak taa pass-te lawmpuina atan dictionary pakhat ṭheuh a pe bawk. Zirlaite chu an tih ṭhat dan inang lo mah se, a pawimawh ber chu an zir zelnaah a innghah tur thu a sawi a, "Mahni chhung­kaw châwm zo tur leh hnam tana chhawrnahawm ni thei tura tumruhna leh beih hram hramna neih a pawimawh a ni," a ti.