Sahuanah sakei pahnih

Aizawl Zoological Park (Aizawl Sahuan)-a sakei dah thar pahnih chu chawlhkar khat vel dah hran a nih hnuah vawiin aṭangin mipui hmuh theiha pho chhuah a ni dawn.

Sakei pahnih hi Nandankanan Zoological Park, Bhubaneswar aṭangin March 27, 2023 khan lâk an ni a, Royal Bengal Tiger, a nu leh a pa niin, kum nga ve ve an ni. A pa hming chu Kundan tih niin, a nu chu Adyasha tih a ni a; inthlah pung thei tura beisei a ni.