Lirthei chesualah thi

C Lalremsiama (60), Luangmual, Aizawl chu April 8, Inrinni khan a lirthei khalh (bolero) in Aizawl aṭanga Buichali lei thlen hma deuh kawng thlangah a tlanliam a, Tlawng luiah thia hmuh a ni.

Vanglaini thudawn danin, C Lalremsiama hi chhun dar 12 velah kawngthlangah tlan liamin Tlawng luiah a tla lut. A tlanliam lai hmutute'n an zawng a, an hmuh lawk loh avangin helai chhehvel mipuiin an zawng a ni.

A lirthei an hmuh hnuah pawh amah an hmu lawk lo a, tlai dar 5 velah a lirthei an hmuhna aṭanga hla loteah tui chhungah hmuh a ni a, chhan theih a ni tawh lo.

Sairang Dinthar Veng chuan C Lalremsiama hi kuang nen an thlah a, postmortem a nih hnuah nimin chhun dar 12 khan vui a ni. C Lalremsiama hi Agriculture joint director ni lai a ni.