Ramri hrûla kawngte siamṭhat a ṭul thu MP Rosanga'n a thlen

Lok Sabha MP C Lalrosanga chuan tun hnai khan Union Home minister of state Nityanand Rai chu a pisa a kâwm a, Mizoram chhim lama India leh Bangladesh inrìna hrûla kawngte siamṭhat a ṭul thu a thlen.

C Lalrosanga chuan, tun hmaa Border Roads Organisation (BRO)-in kawng an sial tawhte leh a hnua Central PWD-in a enkawl zuite chu enkawl zui mumal a awm tawh lo tih a sawi a, "A chhe tawh hle. Home Ministry Border Management-in ramri kawng km. 88.58-a thui siamṭhatna tura hma a lak tur hi ṭha taka siam leh enkawl zui a ṭul," a ti.

Myanmar leh Bangladesh aṭanga sahimna zawnga Mizorama Zo hnahthlak rawn tlân lutte dawnsawn leh enkawl chungchangah mihring dikna leh chanvo humhalh záwngin ramri vengtu sipaite an awm a pawimawh thu MP chuan a sawi bawk.

Nityanand Rai chuan, fûr ruahtui tlâk tak tak hmain ramri kawngte thawm ṭhat a pawimawh thu a sawi niin sorkar thuchhuah chuan a tarlang.