Sorkar sikul ṭha tawk loah puh

Aam Aadmi Party (AAP) zirlai pawl Chatr-Yuva Sangharsh Samiti (CYSS) hruaitute chuan April 8, Inrinni khan Aizawl Press Club-ah thuthar thehdarhtute kawmin, Mizoramah sorkar sikul a ṭha tawk lo niin an sawi.

CYSS AAP co-ordinator Vanlalthlamuanpuia chuan, "India rama state dangte'n sorkar sikul ṭha tak tak an neih tawh lai leh mimal siklul aia sorkar sikula luh an thlan tawh laiin, Mizoramah chuan sorkar sikul a ṭhat tawk loh avangin private school a tam phah," a ti.

Vanlalthlamuanpuia sawi danin, Mizoramah sorkar sikul dinhmun a la chhe hle. Hei hi thingtlang leh khawpuia nu leh pate tan harsatna lian tak a tling.

Zirlai scholarship a hun taka lak theih loh leh zirna hmanrua ṭha lo leh zirtirtu indaih lohnate hre reng chungin sorkarin hma a la duh lo nia sawiin Vanlalthlamuanpuia chuan, "Heng harsatna hrang hrang an tawhte sukiang turin CYSS AAP Mizoram hi kan din ta a ni," a ti.