Aadhaar card siamṭhat runpui nei; a thlawna siamṭhat theih hun chhung bituk a ni

Aadhaar card nei tawhte tana siamṭhat runpui neih mekah June 14, 2023 thleng myAadhaar portal: myaadhaar.uidai.gov.in/ ah a thlawnin siamṭhat (update) theih a ni a, June 14 hnuah chuan pawisa chàwi a ngai dawn.

Sorkar thuchhuah tarlan danin, India sorkar hnuaia Unique Identification Authority of India (UIDAI) chuan Aadhaar card nei tawhte tan document siamṭhat runpui a kalpui mek a, Aadhaar card nei tawh zawng zawngte chuan anmahni ngei tihchianna lehkha pawimawh (document proof of identity) leh an chenna tichiang thei lehkha pawimawh (document proof of address)-te Aadhaar document-ah upload ṭhat vek tur a ni.

Document siamṭha dun tan myAadhaar portal: myaadhaar.uidai.gov.in/ ah June 14, 2023 thleng sum sen ngai loin update theih a ni a, hemi hnuah chuan mi pakhatah Rs 25 zel chawi a ngai dawn. Aadhaar enrolment centre hrang hrangah Rs 50 chawiin update theih a ni bawk.