Hmun thumah kuhva rah an man

Mizoram Police chuan tuhnai khan hmun pathumah dan phal loha Myanmar aṭanga lakluh kuhva rah ip 410 an man a, dan anga hmalak zui mek a ni.

April 8, 2023 khan Kulikawn Police-te chuan Muallungthu (khumtung road)-ah lirthei pahniha phurh kuhva rah ip 130 (kg. 7,800) an man a, lirthei khalhtu Vanlalfela (22), Buhchangphai, Kolasib district leh C Lalsangzuala (28), Champhai Vengthlang nia inchhalte an man.

Khawzawl Police-te chuan April 9, Pathianni zingah khan C Lalpekhlua (27), Zokhawthar, Champhai district nia inchhal khalh truck aṭangin kuhva rah ip 80 leh Malsawmdawnga (21), Zotlang, Champhai nia inchhal khalh truck aṭangin kuhva rah ip 80 an man a; kuhva rah an man zawng zawnghi ip 160 (kg. 11,200) niin, Champhai Customs Preventive Force hnenah an hlan.

April 9, Pathianni vêk khan Seling Police-te chuan lirthei pahniha phurh kuhva rah ip 120 leh lirthei khaltute - Malsawmtluanga (54), Tuipui, Champhai district leh Lalhmingsanga (27), Lunglei Luangmual nia inchhalte an man bawk.