Rawpuichhip YMA-in an dincham an lawm

Rawpuichhip Branch YMA chuan nimin khan an khaw Community Hall-ah an din champha kum 75-na, Platinum Jubilee an lawma, bialtu MLA H Lazirliana'n hmanpuiin, jubilee lungphun a hawng.

H Lalzirliana chuan ram, khawtlang leh kohhran buaina ber pakhat chu ruihtheihthil a nih thu a sawi a, "Hemi lakah hian kan ram ṭhalaite kan inthiarfihlim a, huaisen taka kan do ngam a ngai. Malsawmna hi a hun taka dawn a nih loh chuan malsawmna a ni lo fo a, chuvangin a hun taka dawng thei turin teirei peih, dawhthei leh taihmakna nena kan nun kan hman a ṭul," a ti a; Mizoram hmasawn zel nan nu leh pate'n an fate an dah pawimawh hmasak a pawimawh thu a sawi bawk.

Bialtu MLA hian Rawpuichhip khuaa zirna-in hrang hrang, Branch YMA leh VC ramṭheh neitute hnenah thilpek a hlan nghal a ni.

Rawpuichhip Branch YMA hi April 10, 1948-ah din a ni a; YMA member 685 awmin, mipa 415, hmeichhia 263 leh life member pasarih an awm mek a ni.