CM-in Laldenga Centre sakna tur enfiah

Chief minister Zoramthanga chuan nimin zing khan Aizawl khawpui lailia Assam Rifles hmuna Laldenga Cultural Centre sakna tur hmunhma a enfiah.

Sorkar thuchhuah tarlan danin, Assam Rifles hmuna primary leh middle school insawnchhuahna tur chu Zokhawsangah sak thuai tura ruahman a ni.

Chief Minister hi PWD, Planning & Programme Implementation department, Home department leh department dang hotute'n an ṭawiawm a; 2 Assam Rifles Bn. Commandant colonel Rajesh Kumar Nayak nen an inkawm nghal.

Laldenga Cultural Centre hi Smart City project hnuaia sak tur niin, a sakna atan cheng nuai 19,300 ruahman a ni a; April 1, 2023 khan Union Home minister Amit Shah chuan a sakna tur lungphum a phum.