DoNER Minister-in Lengpui Airport chei kumin October-a zawh fel hman a duh; PWD-in December-ah zawh hman an beisei

Ministry of Develop­ment of North Eastern Region (DoNER) minister BL Verma chu nimin khan Mizorama zan khat riak turin Lengpui Airport a lo thleng a, Lengpui Airport tihchangtlunna hna thawh mek a enfiah nghal. PWD hotute chuan airport tihchangtlun hna chu kumin December-ah zawh hman an beisei thu an lo hrilh a; DoNER Minister chuan October 2023-ah zawhfel tum turin a ngen.

DoNER minister BL Verma hoa Lengpui Airport VIP Lounge-a ṭhutkhawm tawi buatsaih­ah Improvement/ Up­grada­tion of Opera­tio­nal/ Non-Operational facilities of Lengpui Aiport chungchang sawiho a ni a; PWD engineer-in-chief C Lalchhuana chuan hna hi tluang taka thawh mek a nih thu leh December 2023-ah zawh hman an beisei thu a sawi.

BL Verma chuan, "He hna zawh hun hi March 2023 aṭangin December 2023-ah pawhsei ni mah se, October 2023 chhunga zawh fel ni thei se," a ti a, hemi atana theihtawp chhuah turin PWD hotute a ngen a ni.

Ṭhutkhawm zawhah DoNER Minister hian Lengpui Airport tihchang­tlunna hna hrang hrangte fangkualin a enfiah.