Zirlaite April chhung ngeia zirlaibu leh uniform pek phût

MZP executive committee nimina an pisa-a ṭhukhawm chuan April chhung ngeia zirlai naupangte'n zirlai­bu leh uniform an dawn an duh.

MZP chuan sorkar enkawl zirna-ina zirlaibu leh uniform a thlawna sem ṭhin chu a hun taka naupangte'n an dawn ṭhin loh avangin nau­pangte'n harsatna tam tak an tawk tih tarlangin, "Naupangte'n zirlaibu an dawn lawk ṭhin loh avangin an hnufual phah a hlauhawm," an ti.

April chhung ngeia zirlaibu leh uniform hi sorkar sikul nau­pangte’n an dawn theih nana hmala turin thuneitute an phût a. April chhunga zirlai­bu leh uniform an dawng lo a nih chuan a ṭul anga hmalak zel an tum thu an tarlang.