CYMA-in insakna bungraw zuartute an ko khawm

Central YMA chuan April 10, Thawhṭanni chawhnu khan CYMA Hall-ah insakna bungrua (cement, iron rod, brick etc.) zuartute an ko khawm.

CYMA hruaitute chuan hnamdang, Mizo hming hawha sumdawngte chungchang leh Mizo, sumdawnna atana hnamdang an hming hawh tir ṭhintute chungchang bakah iron rod size tling lo zawrh chungchangte insakna bungraw zuartute hi an sawipui.

Mizo hming hawha sumdawnna tihtawp thuai a nih theihna atan chak taka hmalak an tum thu CYMA hruaitute chuan sumdawngte hi an hrilh a ni.

Hnamdang, Mizo hming hawha sumdawngte leh Mizo, sumdawnna atana an hming hnamdang hawh tirtute chu April 10 aṭanga chhiara ni 30 chhunga inchingfel ngei tura ngen an ni bawk.