Minister-in hnathawh mekte a enfiah

Social Welfare minister Lalrinawma chuan nimin khan a department enkawl hnuaia Kelsiha Tribal Research Institute leh Ropuiliani Freedom Fighter Museum sak mek a endik a, Sumsuih leh Tuirial inkar kawng siam mek a tlawh nghal.

Lalrinawma chuan hnathawktute chu an hnathawhte ram tana an tih theih tawk a ni tih hre renga ṭha tak leh uluk taka thawk zel turin a chah a, "Hmasawnna tur atana ruahmanna leh rawtnate hi khawtlang hruaitu te, department leh thawktute nen ṭha taka sawiho hmasak hian rah ṭha a chhuah ṭhin," a ti.

Minister hi Aizawl South-III bialtu MLA Prof. F Lalnunmawia, Social Welfare director Zodingpuii, joint director C Zodinpuii leh Sumsuih khawtlang hruaitute'n an ṭawiawm a ni.