Hmeichhe tleirawl pawngsualtu kum 15 táng turin hrem a ni

Hmeichhe tleirawl kum 15 mi pawngsualtu Vanlalzahawma s/o Chhawn­thanga (L), Rulpui­hlim, Mamit district chu thiam loh chantir niin, kum sarih chhung táng tur leh Rs 5,000 chawi turin hrem a ni.

Pawngsual thubuaiah hian Vanlalzahawma hi Aizawl District Court-a special judge (POCSO Act) Vanlalenmawia chuan April 12, 2023 khan thiam loh a chantir a ni. Judge hian nimin khan hremna tur a puang a; kum sarih táng tur leh Rs 5,000 chawi turin a hrem a, pawisa a chawi loh chuan ni 10 dang tàn belh turin a ti bawk.

Court thuremnaa a lan danin, Vanlalzahawma hian July 19, 2016 tlai dar 3:30 vel khan hmei­chhe tleirawl kum 15 mi a pawngsual a, hmei­chhe chhungte'n a tûk zingah West Phaileng Police Station-ah first information report an thehlut a, POCSO Act Section 4 tlawhchhanin thubuai ziah luh a ni.