Mitdel hawrawp zirlaibu hlàn

Tanhrila Tribal Art Centre-ah nimin khan mitdel hawrawp (braille)-a chhut zirlaibu hlanna hun hman a ni a, Social Welfare & Tribal Affairs minister Lalrinawma'n a hmanpui.

Mitdel hawrawpa chhut zirlaibu hi Mizorama a hmasa ber a ni a; Lalrinawma chuan, "Ministry of Social Justice & Empowerment chuan Braille Press dinna tur a rawn tum a, mahse, thawktu rawih leh an lawmman tur te, a hmunhma leh ṭul dangte chu state sorkar kutah a dah," a ti a, Finance minister Zoramthanga, chief minister-in hma a lâkpui thu a sawi.

Lalrinawma chuan, pianphunga harsatna neite tan khawvel nuam leh hlimawm buatsaih a ṭul thu sawiin, "Heng tihlawhtling tur hian kan zavai hian mawhphurhna kan nei ṭheuh a ni," a ti.