ZMC result chhuakah MNF lawm

MNF party chuan thuchhuah siamin, Zoram Medical College (ZMC) tihchangtlun zel a ni chu lawmawm an tih thu leh MBBS zir hmasa berte final result-a hlawhtlingte an lawmpui thu an tarlang.

MNF chuan, "Hun rei tak hripuiin min tibuai chung pawha theihtawp chhuaha medical college tihpuitlin nana hma latu chief minister Pu Zoramthanga kaihhruai sorkar leh Health minister Dr R Lalthangliana te thawhrimna chhuanawm kan ti hle. ZMC-a MBBS zirlai hmasa berte result tihchhuah a ni khan sorkarin ZMC a ngaihthah lohzia a tilang a, Mizoram tan mellung pawimawh tak a ni," an ti.

MBBS zir chhuak tharte'n internship an ṭan thuai theih nan Health Minister-in chak takin hma a la mek a, National Medical Council nen an indàwr mek niin MNF chuan an tarlang bawk.