MLA-in damdawi-in leh sikul tlawh

Aizawl South-II bialtu MLA Lalchhuanthanga chuan nimin khan a bial chhunga ITI Venga Urban Primary Health Centre leh Model Venga Comprehensive Model School a tlawh a, computer leh printer a pe.

ITI Venga Health & Wellness Centre-ah thawktu 14 an awm mek a, mipuiin an bawh nasat avangin an indaih loh hle tih sawiin Lalchhuanthanga chuan, "ZMC aṭanga part time-a duty ṭhin doctor hi a kal hun a tàwp ṭêp tawh a, doctor dang pahnih OPD-a ṭhu reng tur leh feh chhuak tur mamawhna a sang hle a, group D staff leh laboratory mamawhna a sang a, kawlphetha back-up (generator) mamawhna a sang hle bawk," a ti a, a rang lama thawktu dah belh turin sorkar a ngen a ni.